Мектебімізде «Жанұя жылуы» жобасы аясында «Отбасылық ресурстар» тақырыбында ата-аналар жиналысы өткізілді. Жиналыстың мақсаты – отбасының тәрбиелік мүмкіндіктерін арттыру, бала дамуына ықпал ететін ішкі ресурстарды анықтау және ата-аналар мен мектеп арасындағы ынтымақтастықты нығайту.

Іс-шара барысында «отбасылық ресурстар» ұғымы кеңінен түсіндірілді. Атап айтқанда, отбасының басты ресурстары ретінде ата-ана мейірімі, өзара түсіністік, сенім, қолдау, бірлескен уақыт өткізу және дұрыс қарым-қатынас мәдениеті қарастырылды.

Жиналыс кезінде ата-аналармен пікір алмасу ұйымдастырылып, бала тәрбиесіндегі өзекті мәселелер талқыланды. Қатысушылар өз тәжірибелерімен бөлісіп, тиімді әдіс-тәсілдер жөнінде ұсыныстар айтты.

Сонымен қатар, ата-аналарға баламен сапалы уақыт өткізу, жағымды эмоционалдық орта қалыптастыру, баланың жеке ерекшеліктерін ескеру және қолдау көрсету бойынша практикалық кеңестер берілді.

Жиналыс қорытындысы бойынша ата-аналар мен мұғалімдер бала тәрбиесінде бірлесе жұмыс істеу қажеттігі туралы ортақ пікірге келді.

Кері байланыс сауалнамасы  бойынша ата-аналар жағымды пікір қалдырды. «Сізге қандай  тренинг тақырыптары  қызық болуы мүмкін?»  деген сұраққа мынадай тақырыптар ұсынды:

«Отбасы құндылықтары ата-ана мен бала қарым-қатынасын нығайту;

«Баламен дұрыс сөйлеу,тыңдай білу өнері»;

«Ата –ана мен бала қарым-қатынасы».

Осындай кездесулер отбасы мен мектеп арасындағы байланысты нығайтып, оқушылардың жан-жақты дамуына оң әсерін тигізеді.

Мектебімізде «Жанұя жылуы»жобасы аясында «Қалай келісуге болады?»  тақырыбында ата-аналар жиналысы өткізілді. 

Жиналыстың мақсаты:  Ата-аналарға балаларымен қысымсыз,өзара, сыйластыққа,ынтымақтастыққа  және эмоционалды  байланысқа  негізделген  тиімді қарым-қатынас дағдыларын қалыптастыру.

   Отбасындағы ең жиі кездесетін қиындықтардың  бірі- ата-ана мен бала арасындағы түсінбеушілік. Ата-ана бәр нәрсе айтады, ал бала басқа  әрекет жасайды. Бірақ шын мәнінде  екеуінің  де қалауы бір-естілуі және түсінілуді сезіну.Келісуді үйрену  үшін тек «тыңдауды  талап ету» емес,өзара сыйластық пен сенімге негізделген серіктестік қарым-қатынас құру маңызды.        Жиналыс барысында ата-аналарға «Қалай тиімді келісуге болады» тақырыбына сай  шағын дәріс оқылып, тақырыпқа сай сұрақтар қойылды. Ата-аналарға әр топқа  ситуациялық сұрақтар беріліп,  «Жағдайларды талдау» , «Жұппен сурет салу» тақырыптарында жаттығулар орындалды. Барлығының ойы тыңдалды Әр ата-ана өзін толғандырып жүрген сұрақтарын қойып ортаға салды.Жалпы ата-аналараға   «Жанұя жылуы» ұғымының маңызы түсіндіріліп, баланың тұлғалық дамуына ата-ананың мейірімі, қолдауы мен түсіністігі ерекше әсер ететіні атап өтілді. Ата-аналармен бірге тәрбиедегі өзекті мәселелер талқыланып, пікір алмасу ұйымдастырылды.

  Сонымен қатар, ата-аналарға балаға күнделікті көңіл бөлу, жылы сөз айту, қолдау көрсету, сенімді қарым-қатынас орнату бойынша ұсыныстар берілді. Жиналыс соңында ата-аналар мен мұғалімдер арасында өзара ынтымақтастықты нығайтуға бағытталған ортақ келісімдер қабылданды.

Тренингті қорытындалау  барысында ата-аналар өздерін еркін ұстап, жаттығуларға белсене қатысты. Өз ойларын жеткізе алды және пікірлерімен бөлісті. Шара барысында жағымды қалып орнады.

    Кері байланыс сауалнамасы бойынша ата-аналар жағымды пікір қалдырды. 

«Сізге қандай тренинг тақырыптары қызық болуы мүмкін?» деген сұраққа  мынадай тақырыптар ұсынды:

«Баланы ұялы телефоннан қалай алшақтатуға болады?» 

«Қазіргі балалардың қызығушылығы, ұмтылысы, нені қалайтыны»

«Бала мен ата-ананың қарым-қатынасын нығайту »

«Жанұядағы өзара түсінбеушіліктің алдын алу»

Осындай кездесулер бала тәрбиесінде отбасы мен мектептің бірлескен жұмысының маңыздылығын арттыра түседі. 

Мақсаты: ата-ана мен бала арасындағы тиімді өзара әрекеттестіктің, түсіністіктің және бір-бірін тыңдай білу қабілетінің қажетті шарты болып табылатын ынтымақтастықты дамытуға ықпал ету.

https://www.instagram.com/reel/DRT5910iBzs/?igsh=MTdza296ZGFkMHI4Zg==